“Sənətdə keçən ömür” filmi mükafat qazandı
17 may 2011 19:02 (UTC +04:00)

“Sənətdə keçən ömür” filmi mükafat qazandı

Ukraynada “Birgə qalib gəlmişik” adlı VII beynəlxalq teleradio festivalı keçirilib. Festivala 17 ölkədən İkinci Dünya Müharibəsi mövzusunda lentə alınan 128 film qatılıb. Lent.az-ın məlumatına görə, festivalda Space teleradio şirkətinin istehsalı olan “Sənətdə keçən ömür” sənədli ekran əsəri də iştirak edib. 4 gün davam edən festival çərçivəsində nümayiş olunan filmlər müzakirə olunub, tanışlıq və maarifləndirici xarakterli müxtəlif seminarlar keçirilib, eyni zamanda qarşılıqlı əməkdaşlıq sahəsində söhbətlər aparılıb.

Əsasən müharibə mövzusunda dəyərli sənət əsərləri yaradan Azərbaycanın xalq rəssamı Vidadi Nərimanbəyovun yaradıcılığına həsr olunan bu film “Vətən. Şərəf. Borc” nominasiyasında birinci dərəcəli mükafata layiq görülüb.

Mükafat Space TV-nin Mədəniyyət və Elmi kütləvi layihələrin yaradıcı heyətinin rəhbəri “Sənətdə keçən ömür” filminin rejissoru İman Məcidova təqdim olunub.

Xəyalə
# 505

Oxşar yazılar