ADU-da “İntihar” pyesi oynanıldı - FOTO

Universitetin ictimaiyyətlə əlaqələr və mətbuat xidmətinin rəhbəri Zeynəb Kazımovanın Lent.az-a verdiyi məlumata görə, bədii rəhbəri və quruluşçu rejissoru ADU-nun “Azərbaycan ədəbiyyatı” kafedrasının müdiri, dosent Fəridə Səfiyeva olan tamaşa universitetin tələbələri tərəfindən təqdim edilib.

Tamaşadan əvvəl çıxış edən F. Səfiyeva tamaşaçıları salamlayıb. ADU-da tələbələrin ifasında maraqlı tamaşaların ənənə halını aldığını deyən F. Səfiyeva müasir mövzuda yazılan pyesi səhnəyə qoymasından məmnunluğunu dilə gətirib. Müəllifin də tamaşaçılar arasında olduğunu və buna görə də ikiqat məsuliyyətli olduqlarını qeyd edən F. Səfiyeva oxucu olaraq V. Səmədoğlu yaradıcılığının vurğunu olduğunu bildirib: “Biz zövqlü oxucu və tamaşaçılarıq. Odur ki, zövqlü əsərləri oxuyur və onları tamaşaya qoyuruq”.

ADU-nun rektoru, professor Səməd Seyidov, pyesin müəllifi, şair-dramaturq Vaqif Səmədoğlu, millət vəkili Asim Mollazadə, Bakı şəhər Təhsil İdarəsinin sədr müavini Hüseyn Əsgərov də tamaşaçılar arasında olublar. Qeyd edək ki, rolları ADU-nun tələbələri – Aytən Səlimova, Murad Səfiyev, Zeynəb Rzayeva, Sərxan Quliyev, Əhməd Salmanov, Aysel Babayeva, Aynur Əsgərova, Xədicə Əliyeva, Hüseyn Cəfərov və Araz Abbasov ifa ediblər. Pyes tamaşaçılar tərəfindən alqışlarla qarşılanıb.