Gəncədə ilk dəfə Teatr Festivalı keçiriləcək
16 iyun 2009 20:00 (UTC +04:00)

Gəncədə ilk dəfə Teatr Festivalı keçiriləcək

Festivala respublikanın 14 teatr kollektivi qatılacaq
Gəncədə Teatr Festivalı keçiriləcək. Bu festival şəhərdə ilk dəfədir, təşkil olunur. Bu barədə Lent.az-ın Gəncəbasar müxbirinə Gəncə Dövlət Dram Teatrının direktoru Əli Qasımov məlumat verib. Onun sözlərinə görə, iyunun 23-dən 28-dək davam edəcək festivala respublikanın 14 teatr kollektivi qatılacaq.
Teatrsevərlər Azərbaycan Dövlət Akademik Milli Dram Teatrı, Azərbaycan Dövlət Gənc Tamaşaçılar Teatrı, Bakı Bələdiyyə Teatrı, Azərbaycan Dövlət Kukla Teatrı, Azərbaycan Dövlət Musiqili Komediya Teatrı, Azərbaycan Dövlət “Yuğ” Teatrı, Pantomimo Teatrı, Gəncə Dövlət Kukla Teatrı, Sumqayıt Dövlət Musiqili Dram Teatrı, Gəncə, Qazax, Mingəçevir, Şəki, Lənkəran Dövlət Dram Teatrı kollektivlərinin ifasında müxtəlif səhnə əsərlərinə baza biləcəklər. Gün ərzində Gəncə Dövlət Dram Teatrının səhnəsində bir neçə tamaşa nümayiş etdiriləcək.
Festival Mədəniyyət və Turizm Nazirliyinin xətti ilə təşkil olunub.
Vüsalə Cənnətova
# 782

Oxşar yazılar