Dizaynerlər 2026-cı ilin payız mövsümündə ikirəngli botilyonlara üstünlük verməyi tövsiyə edirlər.
Lent.az xəbər verir ki, burun hissəsi fərqli rəngdə olan botilyonlar 2026-cı ilin payızının əsas ayaqqabı trendlərindən birinə çevrilib. Əsas hissəsi ilə burun hissəsi fərqli rənglərdə olan ayaqqabılar yenidən populyarlıq qazanır. Xüsusilə qara rəngin qırmızı və ya ağ rənglə birləşməsi dəbdədir. Bununla yanaşı, dizaynerlər klassik variantlarla kifayətlənməməyi, dabanı və boğaz hissəsi kontrast rəngdə olan modelləri də seçməyi məsləhət görürlər.
Nəşrin moda redaktorları belə ayaqqabıları geyinməyin üç dəbli üsulunu təqdim ediblər.
Birinci üsul: İkirəngli botilyonları qara və ya tünd-göy rəngli dar cins şalvarlarla uyğunlaşdırmaq olar. Obrazı həcmli sviter və ayaqqabının burun hissəsinin rəngi ilə uyğunlaşan qırmızı trençkotla tamamlamaq mümkündür.
İkinci üsul: İkirəngli botilyonlar geniş qatlanmış balaqlı cins şalvarlarla da gözəl görünür. Xüsusilə laklı dəridən hazırlanan modellər diqqət çəkir. Belə geyimi boğazlı sviter və məxmər pencəklə tamamlamaq tövsiyə olunur.
Üçüncü üsul: Botilyonları dama-dama naxışlı mini ətək, üzərində müxtəlif təsvirlər olan sviter və dəri gödəkçə ilə birləşdirmək olar. Bu geyim tərzi üçün ikirəngli kovboy çəkmələri də uyğun seçim hesab edilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
