Azərbaycanlı müğənnidən qızına toy qadağası

Bu barədə müğənni özü Lent.az-a asıqlama verib: “Qızım Aynişan da sənətə gəlib. Lakin mən onu çərçivəyə salmışam. Aynişanın toylarda iştirakı, yerli “şou-biznes” adlanan məfhumda çalışması mümkünsüz olacaq. Onun oxumasına bir şərtlə razıyam. Qoy mənim qızım xarici şou-biznesdə, beynəlxalq müsabiqələrdə özünü sınasın”.

Aybəniz Haşımova qızının gələcəkdə “Eurovision” mahnı müsabiqəsində iştirakına o qədər də ciddi yanaşmadığını deyib: “Düzdü, azərbaycanlı gənc sənətçilərin 99 faizi üçün “Eurovision” etalondur. Lakin mən bunu o qədər də ciddi qəbul etmirəm. Yaxşı olar ki, Aynişan ciddi, professional müsabiqələrdə iştirak etsin”.

Qeyd edək ki, Aynişan uşaq yaşlarında anası Aybəniz Haşımovanın rəhbəri olduğu “Bülbüllər” qrupunda fəaliyyət göstərirdi.

Lalə Yusifqızı