Eurovision biletləri satışa çıxarılır

Mayda İsveçin Malmö şəhərəində keçiriləcək “Eurovision 2013” Mahnı Müsabiqəsinin biletləri bir neçə gündən sonra satışa çıxarılacaq. Lent.az-ın müsabiqəinin rəsmi saytına istinadən xəbərinə görə, noyabrın 26-sı, saat 10:00-da etibarən, müsabiqənin şouları üçün bilet satışları başlayacaq.

Müsabiqənin icraçı prodüseri Martin Ostendal bildirib ki, ən ucuz bilet 10 avro, ən bahalı bilet isə 216 avroya satılacaq: “Biz şadıq ki, biletləri Milad bayramı qabağı satışa çıxara bildik. Biletlər iki yarımfinallar və onların əsas məşqləri və final və juri finalı üçün satılacaq”.

İcraçı prodüserin sözlərinə əsasən, müsabiqəni izləyən fanatlara müəyyən vaxt ayrılacaq ki, onlar fan zona üçün nəzərdə tutulan biletləri ala bilsinlər: “Məhz fanatlar bu bayramın əsas hissəsidir və Malmö arenada onlar üçün xüsusi zona ayrılıb. Fanatlar noyabrın 26-dan dekabrın 3-dək şounun keçiriləcəyi arenaya gəlib baxa bilərlər”.

Qeyd edək ki, biletləri «ticnet.se» saytından «online» olaraq sifariş vermək olar. Bir neçə müddət sonra isə biletlərin köşklərdə satışı təşkil ediləcək.

Qeyd edək ki, “Eurovision 2013” mahnı müsabiqəsinin birinci yarımfinalı mayın 14-ü, ikinci yarımfinalı mayın 16-sı, final şousu isə mayın 18-də keçiriləcək.

Xatırladaq ki, bu il may ayında Bakıda keçirilən “Eurovision” Mahnı Müsabiqəsində İsveç təmsilçisi Lorin “Euphoria” mahnısı ilə ölkəsinə qələbə qazandırıb.

Jalə Məmmədli