İsgəndəriyyə kitabxanasından Nizaminin yubileyinə hədiyyə
17 sentyabr 2012 21:21 (UTC +04:00)

İsgəndəriyyə kitabxanasından Nizaminin yubileyinə hədiyyə

İsgəndəriyyə Kitabxanasının direktoru doktor İsmayıl Seragəldin Nizami Gəncəvinin 870 illiyi ilə bağlı Azərbaycana Nizami Gəncəvinin və şərq dünyasının başqa dahi şairlərinin yazılarının faksimile nüsxələrini hədiyyə göndərib.

Onların arasında 15-16-cı əsrə aid əlyazmaların həqiqi nüsxələri də mövcuddur.Bura əsasən 155 x 90 mm ölcüsündə qara mürəkkəblə yazılmış və qızıl suyu ilə bəzədilmiş səhifələr daxildir.

İsgəndəriyyə kitabxanasının rəhbərliyi ilə son 2 ay ərzində aparılan araşdırma nəticəsində dünyanın 50-dən çox ölkəsində Nizaminin əsərlərinin müxtəlif dövrlərə aid əlyazmaları tapılıb.Fars, ərəb əlifbasını nüsxələnməsi üçün xüsusi avadanlıqların məhz İsgəndəriyyə Kitabxanasında yerləşməsi oranın şərq dünyasının qədim və zəngin xəzinəsinin araşdırıldığı və öyrənildiyi bir məkana çevrib.

İsgəndəriyyə Kitabxanasının direktoru, doktor İsmayıl Seragəldin aşda olmaqla kitabaxanın ali qəyyumlar şurasının üzvləri də Nizami Gəncəvinin 870 illiyində iştirak edəcək.

Səfər zamanı Mədəniyyət və Turizm Nazirliyi və Gəncə İcra Hakimiyyəti ilə qədim əlyazmaların, onun nüsxələrinin Azərbaycana gətirilməsi, daha geniş miqyaslı layihələrin gerçəkləşdirilməsi müzakirə olunacaq.
# 1341

Oxşar yazılar