Süni intellekt nüvə fəlakətinə səbəb ola bilər - XƏBƏRDARLIQ

Stenford Universitetində İnsan Mərkəzli Süni İntellekt İnstitutunun sorğusu müəyyən edib ki, tədqiqatçıların üçdə birindən çoxu (36 faiz) süni intellektin “nüvə səviyyəsində fəlakətə” səbəb ola biləcəyinə inanır.

Lent.az-ın xarici mediaya istinadən məlumatına görə, qeyd olunur ki, sorğu İnstitutun süni intellekt indeksi üzrə illik hesabatı çərçivəsində aparılıb. Bu da əslində bütün sənayenin vəziyyəti haqqında hesabatdır. Belə mənfi nəticəyə baxmayaraq, bu hesabat həm də siyasətçilərin süni intellektə marağının artdığını və texnologiyanın özünün elmi kəşfləri irəli apardığını göstərir.

36 faiz nisbətində əhəmiyyətli bir xəbərdarlıq var: bu, yalnız süni intellektin özünün qərar qəbul etməsi ilə əlaqədardır-yəni bir neyroşəbəkə öz-özünə seçim etdikdə, nəticədə süni intellektin insan tərəfindən sui-istifadə edilməsindən daha çox fəlakətə səbəb olur, bu da hesabatın ayrıca nəzərdən keçirdiyi artan bir təhlükədir.

“2012-ci ildən bəri süni intellektlə bağlı insidentlərin və mübahisələrin sayı 26 dəfə artıb. 2022-ci ilin diqqətəlayiq hadisələri arasında Ukrayna prezidenti Vladimir Zelenskinin təslim olmasını əks etdirən saxta video və Amerika həbsxanalarının onların məhbuslarında telefon dinləmə texnologiyasından istifadə etməsi daxildir”, - hesabatda bildirilir.

Tədqiqatçılar deyirlər ki, bu artım həm insanların süni intellekt texnologiyasından istifadəsinin artması, həm də sui-istifadə potensialı barədə məlumatlılığın göstəricisidir. Başqa sözlə, süni inteelektin öz əlləri ilə deyil, zərər verə biləcəyi və artıq zərər verdiyi başqa yollar da var.

Bu narahatlıqlara baxmayaraq, tədqiqatçıların yalnız 41 faizi süni intellektin tənzimlənməli olduğuna inanır.

Tədqiqatçıların 73 faizi süni intellektin tezliklə cəmiyyətdə inqilabi dəyişikliklərə səbəb ola biləcəyinə inanır.