Bəşər Əsəd rejiminin süqutundan sonra suriyalı üsyançılar iqamətgahında qeyri-adi bir tapıntı-qalmaqallı "Borat" filminin surətini tapıblar.
Lent.az-ın xarici KİV-ə istinadən xəbərinə görə, britaniyalı aktyor və komediya ustası Saşa Baron Koen tərəfindən ərsəyə gətirilən film qazaxıstanlı jurnalist Borat Saqdiyevin ABŞ-ı səyahətindən bəhs edir. 2006-cı ildə nümayiş etdirilən film, stereotipləri, irqçilik və ksenofobiyanı ifşa edən təxribatçı yumoru ilə izləyicilərin rəğbətini qazanıb.
Maraqlıdır ki, rejimi insan haqlarını pozduğuna görə onilliklər boyu beynəlxalq tənqidlərə məruz qalan Əsəd totalitar rejimləri və absurd bürokratik sistemləri ələ salan filmi saxlayıb.
Qeyd edək ki, 2012-ci ildə Koen daha bir satirik komediya olan "Diktator"u buraxıb. Film, bəzi yerlərdə cizgiləri Əsədə bənzəyən, gücə aludə olan uydurma tiran haqqındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
