Cənubi Koreyanın keçmiş müdafiə naziri Kim Yon Hyun təcridxanada intihara cəhd edib. Bundan sonra o, yüksək təhlükəsizlik kamerasına köçürülüb və hazırda onun həyatı üçün təhlükə yoxdur.
Lent.az xəbər verir ki, bu barədə Yonhap xəbər agentliyi məlumat yayıb.
İstintaq təcridxanasının rəhbəri Şin Yonq-hae parlament dinləmələrində keçmiş nazirin intihara cəhdi barədə məlumat verib.
Kim Yong Hyun dekabrın 8-də silahlı üsyan ittihamı ilə həbs edilib. İstintaq iddia edir ki, eks-nazir hərbi vəziyyətin tətbiqini dəstəkləyib və hərbçilərin Milli Assambleyanın binasına göndərilməsi barədə göstəriş verib.
Cənubi Koreyada hərbi vəziyyət altı saat davam edib. Prezident Yoon Seok-yeol bu addımın ölkənin konstitusiya quruluşunu müxalifətin hərəkətlərindən qorumaq üçün lazım olduğunu iddia edib. Hərbçilər Seulda peyda olub və polislə toqquşmalar başlayıb. Hərbçilərin müqavimətinə baxmayaraq, Demokrat Partiyasından olan deputatlar parlament binasına daxil ola bilib və hərbi vəziyyətin ləğvinə səs veriblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
