Alimlər qəhvənin əvvəllər məlum olmayan yeni faydasını AÇIQLADI

Səhər qəhvəsi yalnız oyanmaq üçün bir ritual deyil, həm də göründüyü kimi sağlamlıq üçün əsl eliksirdir.

Lent.az qəhvənin faydalarını sizə təqdim edir:

Qəhvənin yeni kəşf olunmuş faydası nədir?
Aparılan araşdırmalar göstərir ki, gündəlik qəhvə istehlakı bağırsaqlarda yaşayan “dost” bakteriyalara güclü təsir göstərir. Bu müsbət təsir nəticəsində bağırsaq mikroflorası yaxşılaşır və bu da ümumi sağlamlığa və uzunömürlülüyə töhfə verir. Qəhvə prebiotik xüsusiyyətlərə malik olan polifenollar ehtiva edir – bu maddələr faydalı bakteriyaların qidalanması və çoxalması üçün zəruridir. Xüsusilə aşağıdakı bakteriyaların inkişafını dəstəklədiyi müşahidə edilib:

Lawsonibacter asaccharolyticus

Alistipes

Faecalibacterium

Qəhvənin əsas faydalı komponentləri:
Prebiotik təsir
Qəhvə faydalı bakteriyalar üçün “qidalanma mənbəyi” rolunu oynayan maddələr ehtiva edir. Bu bakteriyalar immunitet, həzm və ümumi sağlamlıq üçün vacibdir.

Kofein
Kofein yalnız enerji və oyanıqlıq vermir — həm də bağırsaqlardakı faydalı bakteriyaların sayını artırdığı müəyyən olunub.

Polifenollar
Qəhvə antiinflamator və antioksidant xüsusiyyətlərə malik polifenollarla zəngindir. Onlar hüceyrələri zədələyən sərbəst radikalları zərərsizləşdirir və bununla da:

xərçəng riskini azaldır,

2-ci tip diabetə qarşı qoruyucu təsir göstərir,

qaraciyərin piylənməsi riskini azaldır,

və çəkinin azalmasına kömək edir.

Xüsusilə xlorogen turşusu adlı polifenol bu təsirlərlə əlaqələndirilmişdir.

Gündə nə qədər qəhvə içmək olar?
Alimlər gündə 2-3 fincan sadə qara qəhvə içməyi tövsiyə edirlər – bu miqdar bağırsaq mikroflorasının sağlamlığı üçün yetərlidir.
Lakin kofeinin həddindən artıq qəbulu bəzi mənfi təsirlərə səbəb ola biləcəyindən, ölçü həddinə riayət olunması vacibdir.