Tanınmış sənətçilər harda səs veriblər? – SİYAHI

Bu gün tanınmış sənətçilər də Azərbaycanda keçirilən prezident seçkilərində səs veriblər. Onların bəzilərini Lent.az təqdim edir.

Elit Star Cəmilə: “İki aydır ki, dəstəklədiyim namizədin adını sosial şəbəkədəki səhifəmdə təbliğ edirəm. Bu gün namizədimə Nərimanov rayonu 20 saylı seçki dairəsində səs verdim. Saat 10 radələrində.

Nadir Qafarzadə: “Evimə də bildiriş gəlib. Çoxdandır ki, bu günü gözləyirdim. Nəhayət bu gün gəlib çatdı. Mən də səs verdim. Bir müğənni kimi üzərimə düşəni hər zaman etməyə hazıram. Necə ki, təşviqat kompaniyasında Azərbaycanın bir çox bölgələrində konsert proqramı ilə çıxış etdim. İnşallah istədiyim namizəd seçilsə böyük bir ziyafət təşkil edəcəm.

Rəqqasə Fatimə Fataliyeva: “Nəhayət bu gün yetişdi və mən Nərimanov rayonunda gedib səs verdim. Amma səs verməyə qədər bir vətəndaş və rəqqasə kimi öz üzərimə düşəni etdim. Azərbaycanın bir çox regionlarında təşkil olunan tədbirlərdə sevə-sevə iştirak etdim. Xatırladaq ki, Fatimə 20 saylı II seçki dairəsinin 24 saylı seçki məntəqəsində səs verib.

Nazpəri Dostəliyeva - 5 saylı seçki məntəqəsi, 42 saylı orta məktəbdə,

Kərim Abbasov - 7-ci mikrorayon, 10 saylı seçki məntəqəsində, 244 saylı orta məktəbdə,

Roza Zərgərli – Nəsimi rayonu 7 saylı seçki məntəqəsi, 52 saylı orta məktəbdə,

Röya Ayxan: “ 18 saylı Nərimanov-Nizami seçki dairəsinin 5 saylı seçki məntəqəsində səs verib.

Elza Seyidcahan: Nəsimi rayonu 44 saylı seçki məntəqəsində səs verib: ”Bu gün saat 13-14 radələri olardı ki, oğlum və qızımla gedib, səs verdim. Seçkilərə qədər isə öz üzərimə düşən işi gördüm. Belə ki, “Uğura doğru” adlı konsert verdim. Əgər mən dəstəklədiyim namizəd yenidən seçilsə musiqi hərəkatı adlı konsertlərim olacaq. Çox şadam ki, Azərbaycanda yaşayıram”.

Səməd Səmədov: “Səs verdiyim məntəqənin nömrəsi ya 20-ya da 22-di, amma onu bilirəm ki, Nəsimi rayonunda, tibb universitetinin binasında səs verdim. Tək getməmişdim. Yoldaşımla, qızımla birgə. Səs verdiyim prosesdə hər şeydən razı qaldım.

Brilliant Dadaşova 16 saylı II Yasamal seçki dairəsində səs verib: “Dostum Alixan Səmədovla birgə gedib səs verdim”.

Xatırladaq ki, aktrisa Firəngiz Mütəllimova, müğənnilər Səbinə Babayeva, Kamil Cəfərov, Azəri Günel, Ceyhun Əliyev, Günay İbrahimli, Pərvin Lətifov, Sevinc Ağaşirinova, aparıcı Zaur Nəbioğlu və başqaları da səs vermələri barədə sosial şəbəkədə yazıblar.