Sevda italyan filminə dəvət alıb

Müğənni Sevda Yahyayevaya İtaliyadan film təklif gəlib. Lent.az-ın məlumatına görə, italyan rejissor Danielle Lukette müğənnini büdcəsi 2 milyon avro təşkil edən filmin çəkilişlərinə dəvət edib. Ərsəyə gələcək melodram janrlı filmin çəkilişləri isə İtalya və digər Avropa ölkələrində baş tutacaq. Yahyayevaya külli miqdarda qonorar təklif edən rejissorun təklifini müğənni qəbul etməyib. Səbəb isə çəkilişlərdə Yahyayevanın razılaşmadığı səhnələr olub: "Möhtəşəm bir film olmalıdır. Rejissorun köməkçisi öncə mənimlə əlaqə saxladı. Film haqda söhbət etdik. Yüksək miqdarda qonorar təklif edildi. Lakin filmdə olan bəzi səhnələri xalqımızın mentalitetinə uyğun olmadığı üçün təklifdən imtina etdik", deyə müğənninin prodüseri Pərviz Əsgərov bildirib.

Qeyd edək ki, Danielle bu günə kimi ”Dıllo con parole mie”, “La nostra vita”, “Anni felici” filmlərin müəllifidir.