Səməd Səmədovdan sürpriz layihə

Xalq artisti Səməd Səmədov yaradıcılıq işlərindən danışıb. Lent.az-a açıqlama verən xalq artisti bildirib ki, sözləri Telli Pənahqızına, musiqisi Elşən Nicata məxsus “Xəbərin olmaz” adlı mahnı ifa edib: “İstirahət mövsümü olsa da elə də çox istirahət etmədim. Bütün diqqətimi yaradıcılıq işlərimə yönəltmişəm. Müğənninin əsas işi mahnı oxumaqdır. Biz müğənniləri xalq sevdirən mahnılarımızdır. Demək olar ki, hər il bir xit mahnıya imza atıram. Bu da bir müğənni kimi məni sevindirməyə bilməz. Artıq yeni bir hit olacaq “Xəbərin olmaz” adlı mahnını bu gün yazdırdım. Düşünürəm ki, bu mahnı digər ifa etdiyim mahnılar kimi seviləcək. Mahnını yaxın müddətdə dinləyicilərin ixtiyarına verəcəm”.

Daha sonra xalq artistinin prodüseri Rövşən Cəfərov bildirdi ki, S.Səmədov yeni layihə hazırlayır: “Səməd bəylə yeni layihə üzərində çalışırıq. Həmin layihənin də nədən ibarət olduğunu hələ açıqlaya bilmərik. İşlər gedir. Amma onu deyə bilərəm ki, bu bir yenilik olacaq”.