Samiraldo Fəxrəddin Manafovla bir serialda

Stilist Samiraldonun (Samir Əliyevin) rol aldığı “Həyat çiçəyi” serialı oktyabrın birinci həftəsindən etibarən yerli telekanalların birində yayımlanacaq. Bu barədə Lent.az-a stilistin özü məlumat verib. O, serialda Fəxrəddin Manafov, Polad Poladov, Mehriban Zəki kimi tanınmışlarla rol alıb: “Xeyli müddətdir çəkilişlərinə başladığımız serial ictimaiyyətə təqdim olunacaq. Serialı gürcüstanlı rejissorlar yüksək səviyyədə çəkiblər. Süjet xəttində öz həyatımı Samiraldo dünyasını canlandırıram. Həyatımı filmdə oynayıram. Çünki, mənim həyat tərzimi oynaya biləcək rejissor olmayıb. Səbəbsə mənim çox qeyri-adi bir insan olmağımdır. Hər zaman imicimdə dəyişiklik edirəm. Bundan əlavə mənim kimi danışa bilən insan da yoxdur. Bu sözləri özümdən razılıq kimi anlaşılmasın. Samiraldo həyatını məndən başqa kimsə yaşaya bilməz”.