Ruhi ürəyində dəlik olan 1 yaşlı uşaq üçün bunu etdi

İş xanımı kimi tanınan Ruhi Əliyeva və tanınmış modelyer Afaq İsmayılzadə birgə xeyriyyə tədbiri təşkil ediblər. Lent.az-ın məlumatına görə, xanımlar, ürəyində dəlik olan bir yaşlı Nihad Ağazadənin əməliyyatı üçün vəsait toplayıblar. Mərasimin daha bir maraqlı tərəfi də Afaq İsmayılzadənin yeni libaslarının nümayişi idi. Modelyer xüsusi ilə uşaqlar üçün hazırlanmış yeni kolleksiyasını təqdim edib. Nümayiş olunan libaslar qonaq qismində iştirak edən tanınmış iş qadınları tərəfindən alınıb, yığılan məbləğ isə körpənin əməliyyatına sərf olunub. Uşaqlar libasları nümayiş etdirmək üçün podiuma çıxıblar. Onların görünüşləri üzərində Afaq və Ruhidən başqa stilist Səma da çalışıb. Tədbirin sonunda balacalar Avropa Oyunlarına həsr olunmuş nömrə ilə çıxış ediblər.

Qeyd edək ki, tədbirdə xalq artisti Brilliant Dadaşova, müğənni Zamiq Hüseynov və aparıcı Afaq Gəncəli də iştirak ediblər.