Tolik şou aləmində olan manyaklardan danışdı

Prodüser Tolik (Tarix Əliyev) maraqlı açıqlamaları ilə diqqət çəkib. Lent.az-ın məlumatına görə, “Gündəlik” verilişində qonaq olan prodüser deyib ki, şou aləmində manyaklar var: “Düşünürəm ki, hər bir azərbaycanlının borcudur vətən üçün nəsə etsin. Elə müğənnilərimiz var ki, 15 ildir sənətdədir, amma bir dəfə Azərbaycana aid mahnı oxumayıb. Belə müğənniyə nə demək olar? Onun ya qanında problem var, ya da içindən gəlmir. Şou-biznesdə "manyaklar" çoxdur. Bir məşhur var, sosial şəbəkədə saxta profillər açır. Sonrada girib həmkarları haqqında bildiyi sirləri, ya da yalan xəbərlər yazır. Toyları, işləri-gücləri olmayan, verilişlərə getməyən müğənnilər oturur restoran kabinetlərində, girib şəkillərimizin altından mənfi fikirlər qeyd edirlər. Mənim də başım sosial şəbəkəyə görə ağrıdı, bir ifaçını təhqir etdim, amma yazdığımı danmadım. Əksəriyyəti girib müğənni həmkarlarına söyüş yazır, sonra da deyir, parolumu sındırıblar, mən deyildim”.