Azərbaycanlı xanım müğənni pulsuzluqdan paltarlarını satır

Mərhum müğənni Vidadi Bərdəlinin qızı Aytac Vidadiqızı rəsmi “İnstagram” səhifəsində paltarlarını satışa çıxarıb.

Lent.az-ın məlumatına görə, ifaçının bu addımı sosial şəbəkə izləyicilərinin marağına səbəb olub. Aytac isə bu ideyanı türkiyəli müğənni Ebru Gündeşdən götürdüyü deyib: “Heç vaxt paltarlarımı satmamışam. Qiymətindən asılı olmayaraq istənilən paltarımı hədiyyə etmişəm. Ebru Gündeşin paltarlarını satdığını görüb, mən də hədiyyə etmək fikrindən daşındım. Ebru Gündeş kimi zəngin bir xanım paltarlarını açıq satışa çıxardırsa, mən niyə satmayım?! Satışda olan paltarlarımı cəmi bir dəfə geyinmişəm. Çünki onlar gündəlik geyimlər deyil. Elə paltarlar var ki, onları ümumiyyətlə geyinməmişəm. Satış işləri ilə Nigar Tağı məşğul olacaq. Burda qəbahət iş yoxdur. Libasını satan müğənnilərimiz çoxdur. Amma onlar bunu başqasının əli ilə edir. Halal zəhmətimlə qazanıb aldığım paltarlarımı satıram. Bura utanmalı bir şey yoxdur. Əvvəlki durumuma baxanda kasıblamışam. Krizis hamımıza çatıb. Amma satışa çıxarmağımın səbəbi bu deyil. Evdə paltar əlindən yer yoxdur. Mən onsuz da, bu paltarları bir daha geyinməyəcəyəm. 100-dən çox bahalı, brend firmaların geyimləridir. Çoxunu da xaricdən almışam”.