İki məşhur müğənni barışdı

Azərbaycanlı iş admı Rza Zarrabla ailəli olan Türkiyənin tanınmış müğənnisi Ebru Gündəş həmkarı Sərdar Ortacla barışıb. Lent.az-ın Türkiyə mediasına istinadən verdiyi məlumata görə, Sərdar toya çağırmadığı üçün ondan küsən Ebru, səhhəti pisləşən dostuna zəng edərək, jest edib: “Sərdar, edə biləcəyim nə varsa, de. Sənə hər cür yardım etməyə hazıram”.

E.Gündeşin bu sözləri cavabsız qalmayıb. S.Ortac ona çox minnətdarlığını bildirib: “Yenidən böyüklüyünü göstərdin. Çox təşəkkür edirəm sənə”. Bu dialoqdan sonra keçmiş dostlar barışdıqlarını bildiriblər.

Qeyd edək ki, S.Ortac toyuna dəvət etmədiyinə görə E.Gündeş bir müddət öncə bu sözləri demişdi: “Sərdarı 1993-cü ildən tanıyırdım. Biz onunla pis günlərin dostu olmuşuq. Xatırlayıram ki, hətta onu həbs etmişdilər. Mən də onu ziyarətə getmişdim. Hətta eşitdim ki, həyat yoldaşım Rza həbsdə olanda məni axtarıb. İstəsə idi, tapardı. Toyuna da məni çağırmadı. Dostluğumuz bitdi”.