Son dövrlər geyimlərinə görə müzakirə olunan müğənni Günay İbrahimli yaradıcılıq işlərindən söz açıb. İfaçı Lent. az-a bildirib ki, yeni mahnısı artıq hazırdır: “Çoxdandır üzərində çalışdığım, sözləri Leyli İsrafilovaya, musiqisi Pərviz Mahmudova məxsus “Ola bilərdin” adlı mahnım hazır oldu. Aranjemanı Tərlan Məmmədhüseynova məxsus olan mahnı artıq “youtube” da dinləyicilərin ixtiyarına verilib. Bu işim o biri mahnılarımdan fərqlənir, dinləməyə dəyər”.
Müğənni sonra geyindiyi libasları bəzi həmkarlarının müzakirə etməsinə bu cür reaksiya verib: “Barəmdə söylənilən tənqidi fikirlərə hər zaman susuram. Bu o demək deyil ki, kimdənsə çəkinirəm. Heç kimdən çəkinmirəm, qorxmuram. Hər kəsə deyə biləcək sözüm var. Odur ki, öz işləri ilə məşğul olsalar yaxşıdır. Qaldı ki, geyimlərimə, hara, nə geyinəcəyimi bilirəm”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
