Dünən ATV- kanalında “Qrup № 1”-in növbəti yarışması keçirilib. Lent. az-ın məlumatına görə, layihənin qonağı bəstəkar Ruhəngiz Qasımova və müğənni Elnarə Abdullayeva, duelcilər isə “Favorit” və “Cipsy –flamenco” qrupları olub. Əvvəlcədən gözlənildiyi kimi bu efir gərgin müzakirələr və maraqlı ifalarla yadda qalıb. Münsiflırin bir- biri ilə razılaşmaması gərginliyi daha da artırıb. “Favorit” qrupunun həm geyimi, həm də ifaları münsiflər tərəfindən daha çox tənqid edilib. Dueldə ən çox yadda qalan hadisə xanəndə Elnarənin səhnəyə çıxaraq ispan üslubunda aşıq mahnısı ifa etməsi olub. Digər maraqlı bir nüans isə Asif Kərimovun Elnarədən Uhitni Hyustonun bir mahnısını, Natəvan Həbibidən isə muğam ifa etmələrini istəməsi olub. Bu həftə layihəyə “Favorit” qrupu vida edib. Həftənin toxunulmazı “İdeal” qrupu, ən az səs toplayıb duelə qalan qrup isə əkiz bacılardan ibarət “S-Twins” olub. Onlar gələn həftə bacılardan ibarət qrupu olan “Sharm” ilə yarışacaqlar.
Xatırladaq ki, layihənin informasiya dəstəkçisi Lent. az-dır.