Elnarə Aygün Bəylərdən danışdı

Əməkdar artist Aygün Bəylərin sənətdən getməsinə həmkarı Elnarə Xəlilova münasibət bildirib. O, Lent. az-a Aygünə dəstək olacağını deyib: “Bilirsiniz ki, sənət adamları həssas olurlar. Yəqin onu bu sənətdən küsdürən tutarlı bir səbəb var. Onun o cür gözəl səsi var. Yəni şou aləmindən uzaqlaşmasına imkansızlıq səbəb ola bilməz. İnanırsınız Aygün Bəylər ana olandan sonra necə sevindim. Necə gözəl görünürdü. İndi eşitdim ki, yenidən əvvəlki imicinə qayıdıb. Çox pis oldum. Allah özü kömək olsun. Ona hər cür kömək etməyə hazıram. Xatırlayırsınızsa bir müddət bundan öncə xalq artist Aygün Kazımova da sənətdən gedəcəyini söyləmişdi. Aygün xanımın mənim dəstəyimə ehtiyacı olmasa da bir insan və sənət dostu kimi ona dəstək olduğumu söylədim. Bunu Aygün Bəylər üçün də etməyə hazıram. Çünki, gözəl sənətçilərimizə hər zaman dayaq və dəstək olmalıyıq”.