Bu gün Corc Kluninin toyudur

Lent.az-ın “musavat.com”-a istinadən məlumatına görə, toy mərasimi bu gün başlayacaq və üç gün davam edəcək.

Corc Kluni və nişanlısı, eləcə də ilk qonaqlar ötən gündən Venesiyadadırlar. İtaliya mətbuatının ilin, hətta, onilliyin toyu adlandırdığı mərasimə dəvət olunanlar arasında model Sindi Krouford və əri, amerikalı aktyor Mett Deymon, U2 qrupunun solisti Bono, Ancelina Coli və Bred Pitt, o cümlədən, Romanın keçmiş meri Valter Veltroni var. Kluni və Alamuddini sabiq mer ər-arvad elan edəcək.

Toyla əlaqədar Venesiyada təhlükəsizlik tədbirləri gücləndirilib. Xüsusilə, nikah mərasiminin keçiriləcəyi bazar ertəsi Rialto körpüsü yaxınlığında Böyük kanalla hərəkət iki saatlığa məhdudlaşdırılacaq.

İkiqat “Oskar” mükafatı laureatı Corc Kluni və Livan əsilli uğurlu vəkil Amal Alamuddin 2013-cü ilin oktyabrından görüşürlər. Bu ilin aprelində 53 yaşlı aktyor və 36 yaşlı vəkil nişanlanıblar.