Aparıcı-müğənni klarnetdə ifa etdi

Aparıcı-müğənni Seyran Babayev ifa etdiyi "Mənə Güvən" adlı mahnıya çəkilən yeni klipini təqdim edib. Lent.az-ın məlumatına illər öncə “Next” qrupundakı çıxışı ilə tanınan müğənni yaradıcılığındakı yeniliyi barədə bu sözləri deyib: "Bəlkə də klipə baxıb çoxları klarnetlə imitasiya etdiyimi düşünəcək. Əslində isə həm videoda, həm də səs yazma prosesində klarnetdə özüm ifa etmişəm. Məlumat üçün deyim ki, mən Şövkət Ələkbərova adına musiqi məktəbinin məhz nəfəsli alətlər bölümünü bitirmişəm və bu sahədə bir çox müsabiqələrdə laureat olmuşam. Klarnet ifaçılığını valideynlərimin istəyi ilə öyrənsəm də, sona kimi təəssüf ki davam etmədim. Amma klipdəki görüntülər mənim üçün də xoş xatirə olaraq qalacaq".

Qeyd edək ki, “Mənə günən” adlı bəstənin musiqisi ifaçının özünə, sözləri isə Sheyh Ree və Nəzrinə məxsusdur. Mahnının aranjemanı Orxan Bağırzadə, icraçı prodüseri Omar Abdulkərimovdur. Rejissorluğunu Alvin Mahmudovun etdiyi klipdə müğənni ilə bərabər Ulduz Bayramova və Emma Salayeva da çəkilib.