İzzət: “Mənə dəstək olacağını deyən dostlarım meydandan qaçdı”
11 sentyabr 2015 16:41 (UTC +04:00)

İzzət: “Mənə dəstək olacağını deyən dostlarım meydandan qaçdı”

Tanınmış müğənni İzzət Bağırov bu gün Beynəlxalq Mətbuat Mərkəzində mətbuat konfransı keçirib.

Lent.az-ın məlumatına görə, ifaçı sentyabrın 18-də Yaşıl teatrda verəcəyi konsert haqda danışıb. Müğənni konsertdə 25 mahnı ifa edəcəyini açıqlayıb. İzzət baş tutacaq konsertinin dekorasiyası üçün 20 min manat xərcləyib.

İ. Bağırzadə konsertinə gəlməsi üçün heç bir məşhura dəvətnamə verməyəcəyini söyləyib: “Uzun müddət sonra konsert verməyi düşündüm. Ancaq görürəm ki, bu, böyük məsuliyyət altına girməkdir. İnşallah hər şey tam fərqli olacaq. Konsertin musiqi rəhbəri Hüseyn Məhəmmdoğludur. İki yeni mahnımın klip təqdimatı keçiriləcək. Mahnılardan birinin sözləri anama məxsusdur. Mənim anam bir neçə şeir və romanlardan ibarət kitabların müəllifidir. Bu dəfə qərara gəldim ki, məhz anamın sözlərinə mahnı ifa edim. Təşkilatçılar mənə 80-100 manat arası qiymət məsləhət gördülər. Mən öz tamaşaçımı tanıyıram. Elə olub ki, bir ailədən 11 nəfər konsertlərimdə iştirak edib. Bütün ailə üzvləri ilə konsertimə gələn tamaşaçılarımı nəzərə alaraq biletlərin qiymətini özüm müəyyənləşdirdim. Biletlərin qiyməti 10-50 manat arası dəyişir. Heç bir məşhur dostuma bilet verməyəcəm. Kim zəng edib, şəxsən konsertimə bilet istəsə, ona dəvətnamə yollayacağam. Məsələn, Niyam Salami zəng edib dəvətnamə istəyib, yollamışam. Ancaq müğənni Nazənin gedib 4 ədəd alıb, şəklini də mənə yolladı. Bax, belə dəstək olarlar. Bu konsertdə heç bir sponsorum yoxdur. Hər şeyi özüm təşkil edirəm. Hətta mənə bəzi bankda, şirkətdə çalışan insanlar demişdi ki, konsert versəm mənə dəstək olacaqlar. Ancaq hamısı ortalıqdan itdi.”

# 185
avatar

Yalçın UĞUR

Oxşar yazılar