“Qrup № 1”-də münsiflər arasında növbəti fikir ayrılığı

Hər həftə Azad Azərbaycan telekanalında maraqla izlənilən “Qrup № 1”-in dünən növbəti efir günü oldu. Lent.az-ın məlumatına görə, verilişin bu həftəki münsif qonaqları hamının sevimlisi Arif Qazıyev və əməkdar artist Baloğlan Əşrəfov idi. Hər zaman olduğu kimi yarışmaçıların çıxışlarından sonra münsiflər arasında fikir ayrılıqları yaranırdı. Bir neçə həftə bundan öncə bəstəkar Elçin İmanovla münaqişə yaşayan həmkarı Vüsalə Hikmət bu dəfə digər münsif Asif Kərimovla yola getmədi. Belə ki “Abşeron” qrupu Vusalə xanımla aralarındakı soyuqluğu, ondan üzr istəyərək aradan qaldırmaq qərarına gəldi. Bu hal və bəzi nüanslar digər münsif Asif Kərimovun xoşuna gəlmədi.

Yarışmanın növbəti efir günün başa çatmasına az qalmış toxunulmaz qrup yenə də “İdeal” , sona qalan qrup isə “Shadow” qrupu oldu və “Kral” qrupunu duelə dəvət etdi. Bu həftəki duelin qalibi isə “Abşeron” qrupu oldu. Sonda onu da deyək ki, önümüzdəki həftə də tamaşaçıları çox maraqlı bir efir həyəcanı gözləyir.

Hər həftənin bazar ertəsi saat 21-30 da ATV kanalının efirində yayımlanan “Qrup № 1” layihəsini izləməyi unutmayın.

Qeyd edək ki, “Qrup № 1” layihəsinin informasiya dəstəkçisi LENT.AZ-dır.