"Onu görsəm, sillə vuracam" - Kərimdən Niyama SON XƏBƏRDARLIQ

Müğənni Kərim Abbasov küsülü olduğu həmkarı Niyam Səlami barədə danışıb.

Lent.az-ın məlumatına görə, ifaçı “Səhər Mərkəzi”ndə bildirib ki, həmkarı ilə araları yaxşı deyil:

"İndi aramızda heç nə yaxşı deyil. Kəsdiyim çörəyə hörmətlə yanaşıram. Üç ildir danışmırıq. Niyam Salami ilə əvvəl küsəndə darıxmışam. İnsan bir, iki, üç dəfə səhv edər. Onu qoyarsan qabağına, başa salarsan ki, düz etmirsən. Dəfələrlə başa saldım.

Onun eqosu var. O qədər "mən, mən" deyir. Bir dəfə də evində oturmuşduq, başladı "mən, mən" deməyə. Yumruğu stola vurdum, ona əl qaldırmaq həddinə çatmışdım. Aramıza adamlar girdi, yoxsa, əlbəyaxa dava edəcəkdik. Heç vaxt sənətçi arasında sənətdən danışmağı sevmirəm. Hamı yanımda danışıb, mən susmuşam. Eqodan uzaq olmuşam. İnsan qarşımda deyəndə ki, məndən başqası yoxdur, olmur.

Sonra oturub ortaq dostlar arasında haqqımda danışıb, məni pis və aqressiv təqdim edib. Niyamı harada görsəm, ona ata şilləsi vuracağam. Təbi ki, o dərəcəyə çatmaz, çörək kəsmişik. Nə vaxtsa səhvini başa düşəcək, amma onunla barışmaq istəmirəm".