Bryus Uillisə qoyulan frontotemporal demens (FTD) (beynin ön və yan paylarının zədələnməsi ilə yaranan bir neyrodegenerativ xəstəlikdir) diaqnozundan sonra aktyorluq karyerasını dayandıran məşhur aktyorun səhhəti ilə bağlı həyat yoldaşı Emma Heminq yeni açıqlamalar verib.
Lent.az xarici KİV-ə istinadla xəbər verir ki, Heminqin sözlərinə görə, 70 yaşlı aktyorda “anosognozi” adlanan vəziyyət müşahidə olunur. Bu hal insanın öz xəstəliyini dərk etməməsi ilə xarakterizə olunur və Uillis də səhhətindəki problemlərin fərqində deyil.
2022-ci ildən bəri FTD ilə mübarizə aparan Bryus Uillis hazırda peşəkar tibbi nəzarət altında, ictimaiyyətdən uzaq həyat sürür. Emma Heminq bir podkast müsahibəsində qeyd edib ki, aktyor xəstəliyini qəbul etməməsini həm təsəlli, həm də çətinlik kimi qiymətləndirir. Onun sözlərinə görə, Uillis ailə üzvləri ilə əvvəlkindən fərqli, lakin emosional baxımdan dərin bir bağ qurur.
Ailə elmi araşdırmalara dəstək məqsədilə də mühüm qərar qəbul edib. Emma Heminq açıqlayıb ki, aktyorun beyni vəfatından sonra klinik tədqiqatlar üçün bağışlanacaq. O, bu addımın frontotemporal demensin daha yaxşı öyrənilməsinə və gələcək müalicə üsullarının tapılmasına töhfə verəcəyinə inanır.
Uillisin xəstəlik prosesində ailəsi də onun yanındadır. Keçmiş həyat yoldaşı Demi Mur da ailə ilə əlaqəni qoruyur və bu birlik aktyorun beş qızı – Rumer, Skaut, Tallula, Meybel və Evelinlə birlikdə geniş bir dəstək mühiti formalaşdırır. Danışıq və oxu bacarıqlarını itirdiyi bildirilən aktyor hazırda ailəsi ilə əsasən emosional ünsiyyət vasitəsilə əlaqə saxlayır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
