Hollivud ulduzlarının gizli eşqləri

Hollivudda sevgi hekayələri həmişə təmiz səhifədən başlamır. Qadınların seçdikləri kişilərin qanuni evlilikdə olub-olmamasına məhəl qoymadan münasibət qurduğu bir çox nümunələr mövcuddur.

Lent.az ailə vəziyyətinə fikir vermədən "gizli eşq" yaşayan məşhur ulduzları təqdim edir.

Lili Ceyms və Dominik Vest

Lili Ceyms və Dominik Vest arasındakı intriqa qalmaqalı keçən ilin payızında geniş miqyas aldı. Aktyorlar “Sevginin axtarışında” adlı mini-serialın çəkiliş meydançasında tanış olmuşdular. Qısa müddət sonra internetdə onların Romada istirahət etdikləri, gəzintiyə çıxdıqları, nahar etdikləri və görüşlərə getdikləri şəkillər yayıldı.

Lili Ceyms bu münasibət haqqında heç bir şərh verməyib, bir müddət jurnalistlərlə ünsiyyəti minimuma endirib və açıq danışmağa hazır olmadığını, amma söyləyəcəkləri olduğunu bildirib.

Dominik Vest və həyat yoldaşı Ketrin Fiscerald artıq 10 ildir evlidirlər, onların dörd övladı var və bir çoxları bu cütlüyü möhkəm və mehriban bir ailənin nümunəsi hesab edirdi. Ketrinin reaksiyası isə bir çoxlarını təəccübləndirdi: ərinin xəyanətini internet vasitəsilə öyrənsə də, o, qalmaqal yaratmadı, əksinə, ərilə birgə paparatsilərin qarşısına çıxıb. Daha sonra cütlük bir-birini öpüb və “onların hələ də birlikdə olduqlarını, sevgiylə dolu möhkəm bir evlilikləri olduğunu” bəyan ediblər. Vest həyat yoldaşından ictimai şəkildə üzr istədi, lakin münasibətlərində işləməli olduqları məsələlərin olduğunu vurğuladı.

Buna baxmayaraq, bir ultimatum irəli sürülüb: onun əri heç bir halda Lili Ceymslə görüşməməli idi. Bu şərti o qəbul edib və həmin münasibətlə bağlı başqa heç bir məlumat ortaya çıxmayıb.

Sienna Miller ve Cud Lou

Sienna Miller və Cud Lou arasındakı sevgi hekayəsi uzun müddət diqqət mərkəzində qalıb. Hər şey 2003-cü ildə başlayıb: həmin vaxt Sienna Miller artıq bir çox pərəstişkarın ürəyini fəth etmiş ulduzla tanış olub.

O dövrdə Cud Lou evli idi - həyat yoldaşı Sadi Frostla birlikdə üç övlad böyüdürdülər. Artıq o zamanlar aktyorun yüngülxasiyyətliyinə dair şayiələr bütün Britaniyada dolaşırdı və tabloidlərdə tez-tez onu “sevgi düşkünü” və “xəyanətkar” kimi xarakterizə edirdilər.

Cudun Sienna ilə münasibəti səbəbindən həyat yoldaşı Sadi boşanmaq üçün müraciət edib. Lakin yeni cütlüyü köhnə problemlər gözləyirdi. Sienna və Cud rəsmi olaraq görüşməyə başladıqdan sonra aktyorun övladlarının dayəsi ilə xəyanət etdiyi üzə çıxıb. Bu, onların həyatında dava-dalaşları qaçılmaz hala gətirib. Bir neçə dəfə ayrılıb barışmağa cəhd etdikdən sonra cütlük 2011-ci ildə qəti şəkildə ayrılıb.

Elizabet Teylor və Eddi Fişer

Elizabet Teylor və Eddi Fişerin münasibətləri tez-tez “sevgi janrının klassikası” adlandırılır - bu hekayədə bir neçə maraqlı süjet xətti var. Elizabet Teylor və onun yaxın rəfiqəsi Debbi Reynolds gənclik illərində tanış olub, birlikdə təhsil alıb və kino sənayesində gələcək qurmağa başlayıb.

Bir gün Reynoldsun həyatına gənc bir kişi - Eddi Fişer daxil olub. O dövrdə Teylor artıq iki dəfə evlənmişdi, rəfiqəsi isə 1955-ci ildə ilk dəfə ailə qurmuşdu. Toydan sonra Debbi oğul və qız anası oldu və görünürdü ki, Reynolds və Fişerin ailə həyatında harmoniya, qarşılıqlı anlaşma və sevgi hökm sürür. Bu müddət ərzində Elizabet Teylor boşanmağa, yenidən evlənməyə və dul qalmağa macal tapıb. Bundan sonra o, təsəllini rəfiqəsinin həyat yoldaşının qucağında tapmaq qərarına gəlib.

Reynolds onların münasibətindən ən sonda xəbər tutub: əri Teylora tez bir zamanda vurulub, boşanmaq üçün müraciət edib və Debbini fakt qarşısında qoyaraq yeni sevgilisinə evlilik təklifi edib. Lakin yeni evlənənlərin xoşbəxtliyi uzun sürməyib: bir il sonra boşanıblar və həm sevgi, həm də dostluq münasibətlərinə son qoyublar.

Naomi Cempbel ve Vladislav Doronin

Dünya səviyyəsində ən məşhur modellərdən biri Naomi Kempbel uğurlu kişilərlə yaşadığı eşqlərlə tanınır. 2008-ci ildə Kann Festivalında təsadüfi bir görüş onun rusiyalı milyarder Vladislav Doroninlə münasibətlərinin başlanğıcı olub. Həmin vaxt Doronin uzun müddətdir evli olub və həyat yoldaşı ilə yetkin bir qız övladına sahib idi.

Kempbell və Doroninin münasibətləri 5 il davam edib. Doronin sevdiyi qadın üçün Barvixada və Türkiyədə ev tikməyə başlayıb və hər şey nikahla nəticələnəcəkmiş kimi görünüb. Lakin həyat yoldaşı ilə boşanma prosesi uzanıb ki, bu da yeni toyun vaxtını gecikdirib.

Nəticədə cütlük nikah masasına qədər çatmayıb və ayrılıblar. Bir neçə il sonra isə keçmiş sevgililər qəfil məhkəmədə qarşı-qarşıya gəliblər. Kempbell şəxsi əşyalarının qaytarılmasını tələb edib, Doronin isə 3 milyon dollar təzminat və Kempbellin guya ondan borc aldığı və qaytarmadığı pulların geri ödənilməsini istəyib.

Culiya Roberts və Denni Moder

Xəyanətlə başlayan sevgi romanlarının çoxu xoşbəxt sonluqla bitmir. Lakin məşhur aktrisa Culiya Roberts və kinooperator Denni Moderin hekayəsi bu mövzuda istisnadır. Cütlük artıq 20 ildir evlidir, baxmayaraq ki, tanış olduqları vaxt Culiya Roberts tez-tez partnyor dəyişən (hamısı tanınmış və kifayət qədər uğurlu şəxslər olub), daim diqqət mərkəzində olan və çətin xasiyyəti ilə məşhurlaşmış bir şəxs idi.

2000-ci ildə cütlük “Meksikalı” filminin çəkilişlərində tanış olub. Denni evli idi və bu sevgi üçbucağı ətrafında qalmaqal böyüməyə başlayıb: Moderin həyat yoldaşı “gözələ” ərini vermək niyyətində olmadığını bildirib, Culiya isə boşanma prosesi üçün ona kompensasiya ödəməyə hazır olub və öz xoşbəxtliyi uğrunda mübarizə aparmağa davam edib.

Cütlüyü az adam dəstəkləyib, xüsusən də Moderin valideynləri narazı qalıb. Lakin nə ətrafdakıların fikirləri, nə də dedi-qodular möhkəm münasibətlərin qurulmasına mane ola bilməyib. Culiya və Denni hələ də birlikdə xoşbəxt yaşayır və üç övladlarını böyüdürlər.

Merilin Monro və Con Kennedi

Merilin Monro sakit və ahəngdar bir sevgi arzusunda olub, lakin o, həmişə aşiq və pərəstişkarlarının yaratdığı dövrəyə düşüb və evliliklərində xoşbəxt ola bilməyib. Prezidentlə taleyüklü tanışlıq 1954-cü ildə baş verib. Monro ilə Kennedi arasındakı ehtiras dərhal alovlandı, baxmayaraq ki, hər iki tərəf o vaxt azad deyildi.

Bu yaxınlığı gizli saxlamaq böyük səylər tələb edirdi. Aktrisa hətta katibə kimi geyinərək sevdiyi kişiyə yaxınlaşmağa çalışıb. Lakin ən üzücü olan odur ki, bu roman Monronun başını tamamilə döndürüb və o, qısa bir müddət ərzində sevdiyi kişi üçün hər şeyə hazır olub. Merilin ölkəni dolaşaraq siyasi namizədi dəstəkləyib, ona məktublar yazır, hər təşəbbüsünü dəstəkləyib. Lakin ən böyük arzusu Kennedinin həyat yoldaşı olmaq idi.

Siyasətçi nə boşanmaq, nə də məşuqəsi ilə nikah bağlamaq fikrində olmayıb. Monronun davranışı isə getdikcə daha düşünülməmiş və onun mövqeyi üçün təhlükəli bir hal alıb. Buna görə də Kennedi bu münasibətləri bitirmək qərarına gəlib.

Ümidsizlik bədbəxt Merilinin demək olar ki, hər hərəkətinə təsir edib. Bu vəziyyətdə Con Kennediyə qardaşı Robert kömək edib. Danışıqlar və izahatlar yeni bir gizli əhvalatla nəticələnib.

Madonna və Aleks Rodriges

Madonna və Aleks Rodrigesin hekayəsi hər iki tərəf rəsmi münasibətlərdə olduğu bir dövrdə başlayıb: Madonna rejissor Qay Riçi ilə evli, məşhur beysbolçu isə Sintiya Skurtis ilə ailəli olub. Bununla belə, Rodrigezsn sevgi hekayələri ilə tanınması və “Hollivud pleboyu” adını qürurla daşıması artıq heç kəs üçün sirr deyildi.

Cütlük uzun müddət bu münasibətlərə dair şayiələri təkzib etsə də, hər gün bu inkarı davam etdirmək daha da çətinləşirib. Madonna tez-tez onun oyunlarına gedib, hər ikisi eyni xeyriyyə gecələrində və tədbirlərində iştirak edib.

Rodriges və Madonna münasibətlərinin yalnız dostluq xarakteri daşıdığını və romantik əlaqələr haqqında fikirlərin onlara yalnız gülüş bəxş etdiyini iddia ediblər.

Lakin bir müddət yaxın münasibətdə olduqdan sonra hər ikisi demək olar ki, eyni vaxtda boşanma üçün müraciət edib. Məlumdur ki, bir müddət sonra onlar münasibətlərini təsdiq etmədən ayrılıblar.