Polad Alemdarın atası öldü

“Kurtlar Vadisi” teleserialında Podadın atası “Ömər Baba”nı canlandıran Emin Olcay yeni mövsümdə teleseralda olmayacaq. Lent.az-ın “Hürriyet” qəzetinə istinadən verdiyi məlumata görə, Emin Olcay deyib ki, 46 illik teatr həyatında müxtəlif obrazlar yaradıb və bu gün insanların ona “Ömər Baba” deyərək müraciət etməsini təhqir sayır.

Emin Olcay bildirib ki, insanlar onu təhqir etmələrinin fərqində deyil. 2 ildir ki, “Kurtlar Vadisi”ndən ayrılmaq istədiyini və bu istəyini teleserialı çəkən “Pana Film”ə söylədiyini vurğulayan Emin Olcay artıq özü qərar verdiyini bəyan edib: “2 ildir ki, “Pana Film”ə deyirəm ki, “Ömər Baba”nı öldürün, yoxsa mən öldürəcəyəm. Bildirmək istəyirəm ki, artıq mən yeni mövsümdə teleserialda yoxam. “Ömər Baba” bitdi, teleserialdan ayrıldım. Onlar istədikləri qədər davam etsinlər, yolları açıq olsun”.

Emin Olcay insanların virtual aləmlə yaşamasından da şikayətlənib: “46 ildir ki, sənətdəyəm, 8 ilini “Kurtlar Vadisi”ndə oynadım. Bəs 38 illik sənət həyatım hara getdi? Yaratdığım filmlər, xarakterlər var. Əgər insanlar Ömər Baba rolunda söylədiyim sözlərdən dərs alsaydılar, mənə “Ömər Baba” deyərək müraciət etməzdilər. İnsanlar virtual aləmdə yaşayırlar, hirslənmirəm. Sadəcə, üzülürəm”.

Emin Olcay yeni layihələrindən də danışıb: “Bir Ramazan proqramı və bir teleserialla bağlı hazırlıq aparıram”.