Nura saymaqla bitirmədi...

Bu barədə Lent.az-a məlumat verən müğənni deyib ki, mahnının aranjemanı da elə bəstəkarın özünə məxsusdur. Bir ay öncə yeni albomunu pərəstişkarlarının ixtiyarına verən sənətçi artıq növbəti albom üzərində çalışmağa başlayıb: “Yeni albomda eyni zamanda musiqisi anonim, sözləri Azər Şirinə, aranjemanı Osman Həmidov məxsus olan yeni bir mahnını da eşitmək mümkün olacaq. Bundan əlavə, musiqisi Aynur Adilqızına, sözləri Sevinc Şirinova məxsus olan maraqlı bir mahnı da yer alacaq. Mahnının aranjemanı isə Samir Şirinova aiddir. Sayca 3-cü albomumda bəstəkar Gövhər Həsənzadənin daha bir bəstəsi yer alacaq”.

Nura müxtəlif bəstəkarlarla işləməkdən zövq aldığını xüsusi vurğulayıb: “Albomda bir neçə bəstəkarın mahnıları yer alacaq. Müxtəlif bəstəkarlarla işləməyi sevirəm. Çünki müasir dinləyici yeniliyi sevir. Eyni tipli mahnılar dinləyicini yora bilər. Ona görə də çalışıram ki, albomda müxtəlif janrlarda və fərqli üslublarda musiqilər olsun”.

İfaçı bu albomunda da yeni bir duetə imza atacaq. O, bu dəfə Nurlan Növrəsli ilə duet oxumağa hazırlaşır: “Albomda Murad Arifin mahnılarından birinin yer alması da planlaşdırılıb. Çox güman ki, yay aylarında mahnılardan birinə klip də çəkdirəcəyəm. Yenidən Fuad Əlişova müraciət etməyi düşünürəm”.

Nəzrin