Nazpəri Dostəliyeva “yüz ölçüb, bir biçəcək”

Bu günlərdə Londondan istirahətdən qayıdan xalq artisti Nazpəri Dostəliyeva ekranlarda görünməyə tələsmir. Lent.az-ın məlumatına görə, yeni albomunun işlərini tamamlayan müğənni “Next” qrupu ilə birgə ifa etliyi klipinin çəkilişləri ilə məşğuldur.

Telekanallardakı şou və əyləncəli verilişləri kəskin tənqid edilən yazılara müsbət reaksiya verən Dostəliyeva bu fikirlərdən sonra özündə mənəvi yüngülllük hiss etdiyini açıqlayıb: “Bir millət olaraq daha üstün dəyərlərə sahibik. Bizim mental şüurun şou-bizneslə ölçülməsindən utandırıcı heç nə yoxdur. Şəxsən mən universitetdə dərs deyən pedaqoq kimi qalmaqala qarışıb səhəri gün tələbələrimin üzünə baxa bilmərəm. Tələbələrimə də eyni şeyi tövsiyə edirəm, yüz olçün, bir biçin!”

Dostəliyeva yalnız albom hazır olduqdan sonra efirə çıxacağını və diqqətli seçim edəcəyini əlavə edib.

Lalə Yusifqızı