Ebru Gündəş gözəllik yarışmasında 2-ci yeri tutdu
29 sentyabr 2009 13:30 (UTC +04:00)

Ebru Gündəş gözəllik yarışmasında 2-ci yeri tutdu

Türkiyədə qəzetlərdən biri ölkənin tanınmış qadınları arasında “Əsmər (qarayanız) gözəl”i müəyyənləşdirmək üçün sorğu keçirib.

Lent.az-ın məlumatına görə, “Ayaklı” qəzetinin təşkil etdiyi sorğuda 57309 nəfər iştirak edib. “Ihlamurlar altında” serialında “Filiz”, “Asi” serialında “Asi” xarakterləri ilə məşhurlaşan aktrisa Tuba Böyüküstün səsvermədə iştirak edənlərin 36 faizinin səsini toplayaraq, 1-ci yerə çıxıb.

2-ci yerə layiq görülən müğənni Ebru Gündəş səslərin yalnız 13 faizini toplaya bilib. Tuba Böyüküstünlə sevgilisi Bülənd İnalın arasına girərək cütlüyü ayıran Bərən Saat (“Aşkı-Memnu”nun “Bihtər”i) isə 11 faiz səslə sıralamada 3-cü yerə sahib olub. Sonrakı yerlərə isə aktrisa Bərrak Tüzünataç, maneken Hande Subaşı (hər ikisi səslərin 8 faizini toplayıb).
Dünya gözəli Azra Akın, aktrisalar Bərgüzər Korel (“Min bir gecə”də “Şəhrəzad”), Özgü Namal (“Kurtlar vadisi”ndə “Elif”), Fəxriyyə Evcən (“Yaprak dökümün”ndə “Necla”) sonuncu yerləri bölüşüblər.
# 665

Oxşar yazılar