“Natəvan Elnarə və Röyadan daha populyardır”

Natəvan Həbibinin prodüseri Vaso “W-trio” qrupunun keçmiş üzvləri arasında ən çox Natəvan Həbibinin populyar olduğunu iddia edir

Natəvan Həbibi Rusiyadakı yaradıcılıq fəaliyyətini dondurub. Bu barədə Lent.az-a məlumatı müğənninin prodüseri Vaso bildirib: “Natəvanın Rusiya layihəsi dondurulub. Oradakı işlər davam edəcək, lakin bu haqda geniş və dəqiq informasiyam yoxdur”.

Prodüser Həbibinin Azərbaycandakı fəaliyyətinin ancaq yeni mahnılar yazmaq və albom çıxarmaqdan ibarət olduğunu deyib.

Vaso ana olmağa hazırlaşan və bir qədər böyük layihələr həyata keçirməyi planlayan Röya və Elnarə ilə müqayisədə Natəvan Həbibinin daha populyar olduğunu deyib: “Röya 6 günlük konsert verir, Elnarə həftədə 5 gün ekrana çıxmağa hazırlaşır. Ona görə ki, onların gündəmdə qalmağa ehtiyacları var. Lakin Natəvanın gündəmə gəlməyə ehtiyacı yoxdur”.

Lalə Yusifqızı