Müğənni Zamiq Pişik Günellə olan fotolarından danışdı

“Artıq biganə qala bilmirəm...”

Adı son günlərdə müxtəlif adlarla sevgi qalmaqalına qarışan müğənni Zamiq bir neçə il öncə hovuzda Pişik Günellə çəkilən şəkillərinin xəbərsiz mətbuata ötürülməsindən sonra səssizliyini pozdu. Müğənni Lent.az-a açıqlamasında qarşısıalınmaz söhbətlərə daha artıq biganə qala bilmədiyini deyib: “Siz Allah, fotolara diqqətlə baxın, əvvəlki Zamiqlə indiki Zamiqi müqayisə edə bilərsiniz. Mən bu xanımla eşq macərası yaşamıram. Məni sevməyən insanlar şəkilləri gizli çəkərək, mətbuata təqdim edib. O şəxslər mənim hörmətimə, ifa tərzimə və qazandığım uğurlara sevinə bilmirlər. Hesab edirəm ki, onlar bu addımla mənə yox, özlərinə zərbə vururlar. Məni nüfuzdan sala bilməyiblər, bilməyəcəklər də! Əksinə, özləri pis oyuna düşəcək. Heç vaxt belə boş işlərə əhəmiyyət verməyəcəm. Öz sənətimlə məşğulam. Onsuz da biz belə şeylərə adətkarıq. Hansısa bir müğənni yüksək zirvədə olanda və populyarlaşanda bədxah insanlar həmin sənətçinin ayağının altını qazmağa başlayır”.

Qeyd edək ki, hazirda solo konsertə hazırlaşan müğənni sentyabrın 12-də pərəstişkarlarını Yaşıl Teatra toplayacaq. Yeni mahnılar üzərində işləyən Zamiq bir neçə klip çəkdirəcəyini də deyib.

Lalə Yusifqızı