Ebru Gündəş keçmiş sevgilisinə “yox” dedi

Türkiyənin “Star” televiziyasında yayımlanan “Popstar Alaturka” yarışma proqramı uzun aradan sonra yeni mövsümdə ekrana qayıdacaq.

Lent.az-ın məlumatına görə, müğənni Ebru Gündəşin keçmiş sevgilisi Osmantan Ərkırın hazırladığı və aparıcılıq etdiyi proqramda kiçik bir dəyişiklik edilib. Belə ki, əvvəllər Ebru Gündəş, Bülənd Ərsoy, Armağan Çağlayan və Orxan Gəncəbaydan ibarət münsiflər heyətinin tərkib dəyişib.

Münasibətlərinin bitməsinə baxmayaraq, Erkır Gündəşdən proqramda iştiraka davam etməsini istəyib. Ancaq Ebru keçmiş sevgilisinin təklifini rədd edib. Nəticədə Erkır yeni əkiz dünyaya gətirən Gülbən Ərgənlə danışıq aparıb və onlar razılığa gəliblər. Yeni mövsümdə Gündəşi Ərgən əvəz edəcək.

Qeyd edək ki, Ərgən hazırda iki həftəlik əkizləri üçün dayə axtarır.