Tanınmış müğənni oğlunu işdən qovdu

Türkiyənin məşhur müğənnisi Muazzəz Ərsoy yeni açdığı kababxananı oğlu Əndər Diriliyə həvalə edib. Lakin işləri yaxşı getmədiyi üçün oğlunu bu vəzifədən kənarlaşdırıb.
Lent.az-ın Türkiyə mətbuatına istiadən verdiyi məlumatına görə, ilk dəfə ticarət həyatına atılan məşhur müğənninin işləri yolunda deyil. Bir müddət Adanalı Kolcuoğlu ilə kabab restoranını işlədən Əndər bu vəzifəni layiqincə yerinə yetirməyib.
Hesablarda və müştəri münasibətlərində problemlər yaşamağa başlayınca Muazzəz Ərsoy təcili olaraq oğlu Əndəri tutduğu vəzifədən kənarlaşdırıb.

Müğənni oğlu Əndər üçün restoranda fərqli bir vəzifə düşünərək, onun yerinə peşəkar bir işçi axtarır. Küçükyalı sahil yolu üzərində açılan bu məkanın may ayında açılış mərasimi də keçirilib.

Adanada tez-tez getdiyi bir kababxananın sahibi olan Şenol Kolcuoğlu ilə işbirliyi quran Ərsoy, məkanın qüsursuzluğu üçün hər mövzuda incəliklərə toxunub. Müştəri məmnuniyyətini birinci sırada tutan idarəçilik qaydaları, yaxın qohumu olsa belə günahını bağışlamır.
Lalə Yusifqızı