“Ölümümdən sonra ərimin də ölməsini istəyirəm”

Yıldız Tilbə su quşuna bənzər kişi ilə ailə qurmaq arzusundadır

Məşhur türk müğənnisi Yıldız Tilbə ərə getmək istəyir. Lakin müğənninin istəkləri özü kimi maraqlıdır. Lent.az-ın Türkiyə mətbuatına istinadən məlumatına görə, müğənni anqut quşuna bənzər kişi ilə ailə qurmaq arzusunda olduğunu açıqlayıb: “Həyat yoldaşı” öləndə o quş da ağlaya-ağlaya ölür. Mənim də ərim belə olmalıdır”.

Türkiyənin proqramlarından birində iştirak edən sənətçi arzusunun oxuduğu kitabdan sonra yarandığını açıqlayıb: “Bir kitabda oxudum. Anqut quşu həyat yoldaşı öldükdən sonra ağlaya-ağlaya ölürmüş. O qədər sadiqdir, yəni... Mənim də ərim belə olmalıdır!”

Tilbənin heyran olduğu anqut quşu həqiqətən də sadiq quşdur. Bu cür su quşları həyatı boyunca tək yaşayır. “Həyat yoldaşı” öldükdən sonra cütləşmir, həyatının sonuna qədər tək yaşayır. Sadiq quş ölən “yar”ının leşi üstündə dayanır, yırtıcı heyvan və ya insan gəlsə, ölümü gözə alaraq, qaçmır.

Leyla