Moskvada “Eurovision-2009”un birinci yarımfinalı başlayır

Səhnəyə 18 ölkənin təmsilçiləri çıxacaq
“Evrovision-2009” müsabiqəsinin on finalçını müəyyən edəcək birinci yarımfinalı bu gün Moskvada “Olimpiyskiy” kosmpleksində baş tutacaq. Lent.az-ın məlumatına görə, birinci yarımfinalda 18 ölkə çıxış edəcək.
İlk çıxış edən ölkə - Çernoqoriyanın ardınca püşkatmaya uyğun olaraq Çexiya, Belçika, İsveç, Belarus, Ermənistan, Andorra, İsveçrə, Türkiyə, İsrail, Bolqarıstan, İslandiya, Makedoniya, Rumıyniya, Finlandiya, Portuqaliya, Malta, Bosniya və Hersoqovina ölkələrinin təmsilçiləri mübarizə aparacaqlar.
Bu gecə yarımfinalın ev sahibi Natalya Vodyanova və Andrey Malaxov olacaq. Yarımfinal məşhur rus əfsanəsi-Simurq quşunun nağılı, görkəmli şou ilə ilə açılış edəcək.
Səsvermənin yeni qaydalarına görə, 18 ölkə arasından seçiləcək olan 10 nəfərfinalçıdan 9-u həmişəki kimi səsvermə yolu ilə, qalan bir iştirakçı isə tamaşaçılar və məşhur müğənni Filipp Kirkorovun başçılığı ilə münsiflər heyəti tərəfindən seçiləcək.
Lalə Yusifqızı