Arzumun müğənni qardaşı tapıldı –

Müğənninin Lent.az-a verdiyi məlumata görə, özünün musiqi müəllifi olduğu “Milyonların arzusu” klipi beynəlxalq standartlara uyğun olaraq çəkilib.

Arzum klipdə fərqli tərəf müqabili ilə çəkilib. Sözügedən şəxsin kimliyinə gəlincə isə müğənni onun “NEXT” qrupundakı Əli olduğunu deyib. Əli ilə Arzumun münasibətlərinin tarixçəsinə gəlincə, müğənni bacı-qardaş olduqlarını etiraf edib: “Baxmayaraq ki, mən müğənniyəm, amma ailəmdən aldığım tərbiyə mənim işimdə də öz əksini göstərir. Belə ki, mən başqası ilə klipə çəkilə bilməyəcəyim üçün öz doğma qardaşımla tərəf müqabili olmağa üstünlük verdim. Çünki, özümdən asılı deyil, tanımadığım şəxslə rahat çəkilə bilmirəm”.

Onu da qeyd edək ki, Arzumun bu yaxınlarda yeni saytı təqdim olunacaq. www. arzum.az ünvanında fəaliyyət göstərəcək saytda müğənni barədə mütəmadi olaraq yenilənmiş xəbərlər yerləşdiriləcək.

Banu