Ancelina Coli və Devid Bekhem ən gözəl uşağın valideynləri ola bilər

Lent.az-ın BBC-yə istinadən verdiyi məlumata görə, respondentlərdən soruşulub ki, hansı məşhur ulduzlar ən gözəl, ən ağıllı, ən şən, ən güclü və ən dəbsevər uşaqların ata-anası ola bilərlər.

İngilislərə görə, ən gözəl uşaq aktrisa Ancelina Coli və futbolçu Devid Bekhem cütlüyündən dünyaya gələr. Ancelina Colinin hazırkı həyat yoldaşı, aktyor Bred Pit isə Beyonsa yaraşdırılıb. Bu cütlük populyarlığına görə ikinci yerə çıxıb.

Devid Bekhem və həyat yoldaşı Viktoriya ən dəbsevər cütlük sayılıb. Onlar ən dəbsevər uşaq dünyaya gətirməyə namizəddirlər. Sorğuda ən ağıllı uşağın mümkün ata-anası ilə bağlı suala cavab gözlənilməz olub. İngilislər hesab edirlər ki, bu uşağın atası aktyor Stiven Fray və müğənni Ledi Qaqa ola bilər.

Ən şən uşağın mümkün ata-anası komediya ustası Maykl Makİntayr və Viktoriya Vud sayılıb. İngilislərə görə, ən güclü uşağın valideynləri yüngül atlet Cessika Ennis və tenisçi Endi Myürrey ola bilər.