Nura Dərbənddən məhsul yığımından qayıdıb - FOTO

Bu barədə Lent.az-a məlumat verən müğənni deyib ki, bu bayram həm məhsul yığımı kimi, həm də şəhərin ad günü kimi qeyd edilir.

O, dərbəndlilərin çox qonaqpərvər olduqlarını qeyd edib: “Xüsusilə də Azərbaycandan gələn sənət adamların böyük hörmət və sevgilərinin şahidi oldum. Mənə burda dedilər ki, getmə, orda şəhərdə gəzmək təhlükəlidir. Ancaq getdim. Bayramla əlaqədar Dərbəndin böyük stadionunda möhtəşəm bir tədbir keçirildi. Səhər saat 9-da başlayan bayram tədbiri axşam saat 23-ə qədər davam etdi. Ən maraqlısı və mənim diqqətimi çəkən məqamlardan biri də o oldu ki, stadiondan kənarda saysız hesabsız stollar açılmışdı. Stollarda Dərbəndin milli mətbəxini əks etdirən yeməklər, təamlar düzülmüşdü. Hər stolun başında da musiqiçilər müxtəlif qrup şəkildə musiqilər ifa edirdilər. Həqiqətən bu mənzərə məndə çox böyük təəssürat yaratdı. İstədim yeni bir mahnı hədiyyəsi aparım. Ona görə də Aynur Adilqızına müraciət etdim. Məhz dərbəndlilər üçün məxsusi mahnı hazırladıq. Aynur xanım sözləri Klim Sultanova məxsus olan bir mahnını mənə təqdim etdi, oxudum. “Dərbəndim” mahnısı Samir Şirinov canlı instrumental ansamblla aranjeman etmişdi”.

Nura Dağıstanın Xalq Məclisinin nümayəndəsi Maqammedsultan Beybulatoviçə və Dərbənd rayon İcra Strukturunun başçısı Qurban Səid oğlu Qurbanova göstərilən qonaqpərvərliyə və diqqətə görə minnətdarlığını bildirib.

Lalə