“Toylar kralı” layihəsində yenilik

Layihə yeni münsiflər heyəti ilə efirə çıxır

“Toylar kralı” proqramı yeni formatla və “Toylar kralı-2” adı ilə mart ayında efirə çıxacaq. Bu barədə Lent.az-a layihənin rəhbəri və aparıcısı Kamran Həsənli məlumat verib: “Bu dəfə layihədə 14 bölgənin müğənnisi iştirak edəcək. Bu layihə əvvəlkindən fərqli şəkildə çıxacaq. Hər bölgənin özünün yaxşı müğənnisi var, onlar efirə çıxa bilmirlər. Buna görə də tanınan müğənnilərin əvəzinə, bu dəfə region ifaçıları ilə layihə hazırlamaq fikrinə düşmüşük”.

Kamran Həsənli münsiflər heyətində dəyişiklik olacağı barədə məlumat verib: “Kimin münsif olacağı qətiləşməyib. Amma yeni münsiflər olacaq. Əvvəlki münsiflər heyətinin üzvləri bu dəfə layihədə iştirakdan imtina etməyiblər, sadəcə, yenilik etmək istəyirik.

Qeyd edək ki, layihə Novruz bayramından sonra efirə çıxacaq. Kamran Həsənli “Toylar kralı-2” dən sonra “Toylar kralı -3” və “Toylar kralı-4” layihəsinin də hazırlanacağını istisna etməyib.

Lalə Yusifqızı