Röya və Zamiqin unutmacayacağı Lənkəran çaxnaşması

“Nar Mobile”ın sponsorluğu, “Ulduz” prodakşnın təşkilatçılığı, Mədəniyyət və Turizm Nazirliyi dəstəyi ilə keçirilən “Doğma diyar” ölkə üzrə konsert turu çərçivəsində pop ulduzlar Röya və Zamiq 19 avqustda Lənkəran şəhərində Mərkəzi meydanda açıq havada konsert proqramı ilə çıxış ediblər.

Lent.az-ın məlumatına görə, bu dəfə də konsertdə Samir Bayramlı və Sevinc Ağaşirinova aparıcılıq missiyasını yerinə yetirib. 12 mindən çox tamaşaçının izlədiyi konsertdə sənətçilər Röya və Zamiqi heyrətə salan məqamlar olub. Tamaşaçı izdihamı konsertin sonuna qədər davam edib və insanlar öz sevdikləri müğənnilərini görməkdən ötrü səhnənin önündə əsl çaxnaşma yaradıblar.

İki saat yarımlıq proqramı Lənkəran rayon icra hakimiyyətinin nümayəndələri də izləyiblər.

Layihənin və “Ulduz” prodakşnın rəhbəri Kənan Bayramov Lent.az-a açıqlamasında problemli məqamlara da toxunub: “Bu qədər gözəl konsert təəssüf ki, işinin öhdəsindən gələ bilməyən məsul şəxslərin səyi nəticəsində pərakəndəliyə məruz qaldı. Onlar İcra hakimiyyəti rəhbərinin göstərişinə əməl etmədikləri üçün təşkilati işlər aşağı səviyyədə idi. Biz istəyirdik ki, Lənkəranda bir neçə gün qalaq, lakin vəziyyətdən çıxış yolunu konsert bitdikdən sonra evə gəlməkdə gördük”.

Qeyd edək ki, konsert turu 12 iyul tarixində Qubada başlayıb və artıq Qəbələ, Göyçay, Mingəçevir, Zaqatala, Qazax, Tovuz, Ağdam, Füzuli şəhərlərində keçirilib. Azərbaycanın 15 bölgəsində keçirilən “Doğma diyar” konsert turuna “NarMobile”ın sponsorluğu bu brendin ölkə ərazisində abunəçilərinə ən uyğun qiymətlər və keyfiyyətli xidmətlər təqdim edən mobil operator kimi populyarlığına işarə edir. Konsertlərdə iştirak edən sakinlər NarMobile-dan bir çox bonus qazanmaq imkanı və yeni kampaniyalar haqqında məlumat əldə edirlər. Belə ki, NarMobile abunəçiləri kampaniya müddətində 2222 nömrəsinə zəng edərək, cəmi 1 AZN ödəməklə, şəbəkədaxili 25 dəqiqə, 25 SMS və 25 MB İnternet trafik əldə edə bilirlər. Konsert zamanı SMS viktorinada iştirak edən və sualın düzgün cavabını 1111 nömrəsinə göndərən abunəçilər mobil telefonları qazanmaq şansını əldə edirlər.

Lənkəran konsertində kampaniya müddətində 2222 nömrəsinə zəng edərək, cəmi 1 AZN ödəməklə, şəbəkədaxili 25 dəqiqə, 25 SMS və 25 MB İnternet trafiki əldə edə biliblər.

Konsert zamanı SMS viktorinada iştirak edən və sualın düzgün cavabını 1111 nömrəsinə göndərən “Nar Mobile” abunəçiləri, mobil telefon qazanmaq şansını əldə ediblər.

“Doğma diyar” layihəsinin informasiya dəstəyi “RÖYA” jurnalına, eksklüziv yayım hüququ isə “LİDER TV”-yə məxsusdur.

Növbəti konsert avqustun 23-də Yevlaxda olacaq.

Lalə Yusifqızı