Bakıda “İstanbul Fashion show” sərgisi açıldı
25 iyun 2010 13:00 (UTC +04:00)

Bakıda “İstanbul Fashion show” sərgisi açıldı

İyunun 25-də Bakıda növbəti dəfə keçirilən “İstanbul Fashion show” sərgisinin açılışı olub.


Lent.az-ın məlumatına görə, açılışda layihənin təşkilatçılarından biri olan Türkiyənin “Meridyen” Beynəlxalq sərgi şirkətinin rəhbəri Oğuz Yalçın bildirib ki, ilk sərgi uğurlu olduğundan belə bir sərginin növbəti dəfə də təşkil olunması qərara alınıb. Sərgidə Türkiyənin 40-a qədər şirkətinə məxsus kişi, qadın və uşaq geyimləri, ayaqqabılar sərgilənib. Şirkətlər sırasında yeniləri ilə yanaşı, ötən dəfə sərgiyə qatılanlar da olub.


Azərbaycan Sahibkarlar Konfederasiyasının prezidenti Məmməd Musayev belə bir sərginin təşkilinin önəmli olduğunu deyib. Türkiyə şirkətlərinin məhsullarını Azərbaycanda istehsal etməyi və investisiya qoymağı da təklif edib.


Türkiyənin Azərbaycandakı səfirliyinin baş ticarət müşaviri Qazi Bilgin belə bir tədbirin keçirilməsini yüksək qiymətləndirib. Bu şirkətlərin məhsullarının Fransa ilə rəqabətə girə biləcək qədər keyfiyyətli olduğunu deyib.


Sərgiyə tanınmış modelyer, əməkdar incəsənət xadimi Fəxriyyə Xələfova da qatılıb.


Qeyd edək ki, sərgi iyunun 27-dək davam edəcək. Sərgiyə hər gün saat 10:00-dan 19:00-dək giriş açıqdır.

Xəyalə Muradlı

Foto: İsaq Mayılov
# 514

Oxşar yazılar