Elza Seyidcahandan rəqs şou!

“Görəcəksiniz, planetin əsl ulduzları kimlərdir!”

Müğənni Elza Seyidcahan may ayının 21-də keçirəcəyi, “Elzanın yaşıl dünyası” adını verdiyi konsertində səhnənin əsl ulduzlarını başına toplayacaq. Bu barədə müğənni özü Lent.az-a açıqlama verib: “Çox “ulduz-ulduz” deyirlər, əsl ulduzun kim olduğunu mən göstərəcəm. Görəcəksiniz, planetin əsl ulduzları kimlərdir! Konsertimə Azərbaycan səhnəsinin əsl ulduzlarını toplaycam”.

Müğənni konsertinin iki hissəli olacağını deyib: “Birinci hissədə Nazpəri Dostəliyeva, Nisə Qasımova, İlhamə Quliyeva, Mətanət İsgəndərli, Abbas Bağırov, İlqar Muradov, Lalə Məmmədova, Eyyub Yaqubov, Röya, Elnarə, Natəvan, Könül Kərimova, Elnur, Teymur Əmrah, Gülyaz və Gülyanaq Məmmədovalar, Muxtar Abseynov və digər müğənnilər iştirak edəcək”.

Əməkdar artist həmin gün müğənnilər çox olduğu üçün ifaçıların çoxunun duet şəklində ifa edəcəyini deyib.

İkinci hissədə etnik caz musiqilər və Elza Seyidcahanın da iştirakı ilə rəqs qruplarının ifaları nümayiş olunacaq.

Nəzrin