Fərda Xudaverdiyev evləndi

Yumorist Fərda Xudaverdiyevin toyu olub. Lent.az-ın məlumatına görə, məclis aprelin 26-da Bakıda “Monte Kristo” şadlıq evində keçirilib. Toy mərasimi qeyri-adiliyi ilə yadda qalmayıb. Mənbənin məlumatına görə, Xudaverdiyevin nikah bağladığı xanım öz qohumudur.

Toyu “Qala” qrupu idarə edib. Çoxlu sayda sənətçinin iştirak etdiyi mərasimdə Xumar Qədimova və Ağadadaş Ağayevin ifaları çox olub.

Toyun sevincini ən çox bəyin dostları ifadə edib. Dostları gecə boyunca Fərda Xudaverdiyevi qol üstə bir neçə dəfə havaya qaldırıb.

Məclisin ən diqqətçəkən məqamlarından biri küsülü olduqlarını dəfələrlə inkar edən köhnə rəfiqələr Natəvan Həbibi və Röya Ayxanın bir-birinə üz çevirməməsi, salamlaşmaması və ayrı masalarda oturması olub.

Natəvan Həbibi toyda ATV telekanalının əməkdaşları ilə bir masa arxasında əyləşib. Röya isə meneceri, vizajisti, müğənni Mənzurə Musayeva və digərləri ilə bir masa arxasında əyləşib.

Nəzrin