Mətbuat katibi: “Bagira itkin düşüb!”

“Axırıncı dəfə mənə demişdi ki, Azərbaycan səhnəsi Bagiranı yox, Şakiranı gözləsin...”

Bir müddət öncə hay-küylü layihələri ilə bütün musiqi aləmini təəccübləndirəcəyini vəd edən ifaçı Bagira itkin düşüb. Bu barədə Lent.az-a onun mətbuat katibi Mikayıl Hüseynov məlumat verib: “Elə bil indiyədək həyatda belə bir insan olmayıb. İtkin düşüb, telefonlara cavab vermir. Bir zəngimdə rəfiqəsi şəxsi telefonundan cavab verdi ki, burda deyil, xaricdədir”.

Mikayıl Hüseynov itkin düşməzdən əvvəl Bagiranın sənətinə dair xeyli planları olduğunu, birdən-birə gözdən itməsinə səbəb axtardığını deyib: “Onun o qədər planları vardı ki! Nələr edəcəkdi, nələr! Axırıncı dəfə demişdi ki, mənə parti təşkil et, adı da olsun “Bagira şou”! Özü də bu partidə ancaq mən olum, başqa müğənniləri çağırmaq istəmirəm... Mənə başqalarının adı altında reklam lazım deyil!”

Mətbuat katibi Bagiranın şüarını da xatırlayır: “Demişdi ki, bu partidən sonra Azərbaycan səhnəsi Bagiranı yox, Şakiranı gözləsin... Ona nə olub, bilmirəm...”

M.Hüseynov işlədiyi vaxt ərzində onunla əməkdaşlıqdan razı qaldığını deyib: “Allah razı olsun, yenə onunla işlədiyim bu müddətdə çox maraqlı günlər görürdüm. Çox fərqli ab-hava içində mənə zəng vururdu. Onu yeri görünür...”

Nəzrin