Almaniya mətbuatı: “Bu il Azərbaycan gəlir!”

“Safuranı saymazlıqdan gəlmək düzgün deyil”
Almaniya bukmeykerləri Safura Əlizadə ilə Almaniyanın builki “Eurovision-2010” təmsilçisi Lena Meyer-Landruti güclü rəqiblər hesab edir. Lent.az-ın Almaniya mətbuatına istinadən məlumatına görə, 29 mayda Osloda düzənlənəcək “Eurovision” mahnı müsabiqəsində sözügedən bu iki iştirakçıdan birinin qalib olacağı gözlənilir.
Almaniya mətbuatı həm gənc, həm də rəsmi üz quruluşuna malik olan Lenanı kifayət qədər güclü rəqib hesab edir, lakin digər rəqibin də bacarığını qəbul edir: “Yeri gəlmişkən, Safuranı da saymazlıqdan gəlmək düzgün deyil. Çox qıvraqdır, üç yaşından mahnı oxuyur. Azərbaycanda müsabiqə qalibi olub. 17 yaşında skripka və saksofon çalmağı öyrənib. Üstəlik, R&B janrında oxuduğu “Damla Damla” adlı mahnısı qulağa yaxın, zövqlü mahnıdır. Bu il Azərbaycan gəlir. Bu ölkə (təxminən 9 milyon əhalisi var) İrandan şimalda, Ermənistanla sərhəddə yerləşir.
Bu normal bir qızdır, dünyada milyonlarla tayı var, “Twilight” filminin heyranıdır, Robert Pattinsonu sevir...”
Nəzrin