Manaf Ağayevi xəstəxanaya “göndərdilər”...

Həyat yoldaşı: “Məlum oldu ki, ağır vəziyyətdə Manafı Türkiyəyə yola salıblar...”

“Toylar kralı” Manaf Ağayevin ürəyində narahatlıq hiss etdiyi və ağır vəziyyətdə qəfildən Türkiyəyə aparıldığı barədə xəbər yayılıb. Lent.az xəbəri dəqiqləşdirməkdən ötrü müğənninin ailəsi ilə əlaqə saxlayıb. Müğənninin həyat yoldaşı Fərqanə xanım xəbərin həqiqətə uyğun olmadığını açıqlayıb: “Bu xəbər dünəndən bu günə kimi virus kimi yayılıb. Hətta doğmalarım belə narahat olub, zəng vururlar. Kimisi xəbəri olduğu kimi çatdırır, kimi isə nə olduğunu deməyərək evdə vəziyyətin yaxşı olub-olmadığını soruşur”.

Həyat yoldaşı şayiələrin dolaşdığı vaxtda müğənninin evində oturub çay içdiyini deyib: “Bacım oğlu Samir zəng vurub soruşdu ki, xala, evdə vəziyyət necədir? Dedim, yaxşı, oturub çay içirik... Gördüm nəsə birtəhərdir. Sonra Manafın telefonuna başqaları tərəfindən zəng gəldi və o, “salamatçılıqdır”, dedi... Məlum oldu ki, Manafı ağır vəziyyətdə Türkiyəyə “göndəriblər”... Narahat olmayın, hər şey yaxşıdır...”

Nəzrin